[Verfassung fir Europa]
 Deutsche Fassung        
 

Chemin de navigation : Accueil > Actualités > Juillet 2005 > Nicolas Schmit et André Hoffmann présentent leurs arguments pour, respectivement contre la Constitution pour l'Europe (RTL-Radio, 1 juillet)
Imprimer cette page Envoyer cette page

Actualité
Nicolas Schmit et André Hoffmann présentent leurs arguments pour, respectivement contre la Constitution pour l'Europe (RTL-Radio, 1 juillet)
Publication: 01-07-2005

RTL-Radio présente quotidiennement les arguments du pour et du contre relatifs à la Constitution pour l'Europe. Les invités de RTL-Radio dans ce contexte ont été le ministre délégué aux Affaires étrangères et à l'Immigration Nicolas Schmit ainsi que André Hoffmann, partisan du Non, membre du parti Déi Lénk.

André Hoffmann: Déi sozial Dimensioun vun der Europäescher Unioun, déi bleift nach ëmmer hannen dran. An dat huet natierlech och domat ze dinn, datt dee Prinzip vun der fräier Konkurrenz, dat heescht eigentlech vum dereguléierte Maart, alles dominéiert. An deem Prinzip gëtt dann och d’Sozialpolitik ënnerworf. Wann een den Text liest, da stellt ee fest, datt déi nobel Erklärungen iwwer d’sozial Wäerter am éischten Deel onverbindlech bleiwen. D’Charta vun de Grondrechter déi gëtt hirem Usproch vun engem soziale Kader iwwerhaapt net gerecht, a se bleift wäit zeréck am Verglach zu aneren internationale Verträg, wéi zum Beispill, d’Charta vun de soziale Rechter vum Europarot, oder den internationale Pakt vu soziale Rechter vun 1966 am Kader vun der UNO. Zum Beispill, wat d’Recht op Aarbecht betrëfft, ass net dran, Recht op Wunneng, net dran, Recht op Erzéiung, net dran, Recht op e mënschewierdegt Akommes, net dran.

Nicolas Schmit: Dës Verfassung stellt der Unioun als zentralt Objektiv fir eng sozial Marktwirtschaft ze wierken. D’Unioun soll sozial Exklusioun bekämpfen, sozial Gerechtegkeet a sozial Sécherheet fir jiddwer Bierger erbäiféieren. Besonnesch d’Gläichheet vu Mann a Fra ass eng zentral Missioun vun der Europäescher Unioun. Europäesch Sozialpolitik ass bis ewell awer ongenügend weider entwéckelt ginn. Net well d’Texter dat net erlaabt hätten, awer well de politesche Wëlle ganz oft, oder politesch Majoritéite, ganz oft gefeelt hunn. D’sozial Dimensioun muss an de kommende Joeren eng Zentralstellung anhuelen. Dës Constitutioun verbessert dës Entwécklung. D’Sozialpartner, an domat déi europäesch Gewerkschaften, kréien explizit méi eng wichteg Roll duerch dës Verfassung. Déi horizontal Sozialklausel kann et erlaben all europäesch Politik op hir sozial Dimensioun besser ze kontrolléieren an och déi sozial Dimensioun ze verstäerken.




Dernière mise à joude cette page le : 04-07-2005

Haut de page Haut de page