Radio präsentiert täglich eine Serie von Argumenten für und gegen die Verfassung für Europa. Hier finden Sie eine Argumentation des beigeordneten Ministers für auswärtige Angelegenheiten und Immigration Nicolas Schmit sowie des Beführworters des Nein, André Hoffmann, Mitglied der Partei Déi Lénk.

André Hoffmann: Mir kréien zanter Joere versprach, de fräien an oppene Bannemaart géif Aarbechtsplaze schafen, d'Aarbechtslosegkeet géif ofgebaut ginn, sozial Rechter géifen ausgebaut ginn, d'Aarbechts- an d'Liewensbedingunge géife besser ginn. Wéi gesäit d'Realitéit aus? Ëmmer méi Chômage, ëmmer méi sozial Onsécherheet. An op déi Problemer gëtt dës Verfassung keng Äntwert, oder besser si gëtt déi falsch Äntwert, nämlech weiderfueren wéi bis elo, an och nach als Verfassung festgeschriwwen. Amplaz bräichte mir nei a couragéiert Schrëtt an eng aner Richtung a Richtung vun engem europäesche, sozialstaatleche Modell.

Nicolas Schmit: Dat ass scho richteg, datt d'Erausfuerderunge fir Europa kolossal sinn. Globaliséierung ass dee grousse Problem fir eis Europäer, de schnellen technologesche Wandel, sécher déi héich Aarbechtslosegkeet a ville Länner. Duerfir brauch Europa méi politesch Kraaft an enger Welt, déi sech total verännert. D'Erausfuerderung brauch solidaresch Äntwerten. An ech mengen, datt déi hei Constitutioun, dee Projet, eng Rei Äntwerte bidd, fir datt Europa gestäerkt an dat 21. Joerhonnert erageet, datt et säin Afloss behält, besonnesch den Afloss wat seng Wäerter ubelaangt, säi Sozialmodell besser kann an enger globaliséiert Welt verteidegen. Dofir steet déi hei Verfassung, fir datt den europäesche Bierger besser op seng Suergen an Ängschten Äntwerte kritt, fir eng besser Demokratie, mä awer och fir eng besser Sécherheet, interner an externer Art.